BB食奶要匿埋？網上近日瘋傳一名媽媽在巴士上餵哺母乳，並以餵奶巾遮擋，竟遭其他乘客拍照，譏諷該位媽媽「夠膽死喺架車到餵人奶，就唔好擺塊布遮住啦」，甚至質疑該位媽媽是內地人。照片在網上瘋傳，但意見幾乎一面倒認為餵哺母乳天經地義，批評拍照者無知無品。

照片所見，該位身穿背心的媽媽用粉紅色的餵奶巾遮擋胸前，BB的雙腳則外露，但外人完全看不到吃奶的情況。多名網民力撐餵奶媽媽無做錯，「個媽咪已經用餵奶巾遮住，仲想點？」又指公共場所要餵母乳需極大勇氣，認為餵奶媽媽很偉大。

香港母乳育嬰協會顧問畢鄧惠珍批評，拍照者是「愚昧、Outdated(過時)」，她指初生BB需要家人時刻照顧，亦不能捱餓，「你可唔可以同個BB講道理，話宜家唔食得嘢？」她對有人將餵哺過程拍照放上網感到不以為然，「都係啲自然不過嘅事，有咩咁大不了？你見到佢露咗啲咩？你幻想你會見到嘅嘢，其實都無出現過」，又指媽媽利用餵奶巾，已是尊重別人和自己的表現。

鄧惠珍認為，雖然香港公共設施有餵哺室的情況越來越普遍，但要求公共交通工具預留空間給媽媽餵哺母乳則難以做到，建議巴士公司在現有的關愛座，印上餵哺母乳的圖案，讓有需要的媽媽使用，又建議媽媽可以選擇巴士上一些私隱度較高的座位餵哺母乳。

【網民有話說】
Yeung Sin Fei：又唔係喺公眾地方裸露，點解講到母乳媽咁？BB肚餓要飲奶是常識吧？！

Phyllis Cheng：影相嗰個人「無知」，因為佢唔知道BB肚子餓就要餵；影相嗰個人好「無品」，佢唔尊重別人。

Evelyn Tang：BB喊得大聲就話影響別人，食奶都有問題咩？可恥！

Pam Lam：都遮住啦！仲想點？要BB哭到斷氣、識講奶奶先畀食？

Cathy Sun：影相個位真係腦殘到不得了！
版主:朝飞暮卷于2014_05_23 10:25:06编辑
评分完成：已经给本帖加上 20 银元！