.

.

.

世 盃 外 圍 賽  香 港 隊  大 戰  不丹　

數 千  港 球 迷  噓 爆  國 歌 

李八方




噚晚開場前港隊唱國歌，
幾千名主場球迷齊心噓爆。
王子俊攝



.

世界盃外圍賽，中港大戰仲未上演，日前中國足協就鬧出海報風波。餘波未了，兩地球迷再次隔空過招。

噚晚喺旺角上演港隊對不丹，話晒都係自己主場，大批球迷入場撐港隊，全場爆滿。

球賽開始前，循例都會先奏起國歌，
點知奏到代表港隊嘅中國國歌《義勇軍進行曲》時，
     中港大戰就一觸即發，
     全場球迷齊心噓爆，
     由頭噓到落尾冇停過， 完 全 蓋 過 晒 歌 聲 。

.

.

內  地  人 ：  要  派  解  放  軍

幾千名球迷噓爆真係唔睇得小，坐喺觀眾席幾乎一個音都聽唔到，有球迷仲將呢個歷史一刻拍低放上網，宣示主權。

呢場港隊對不丹賽事內地都有直播，
唔少內地觀眾聽到咁浩瀚嘅噓聲，
     起初都覺得難以置信，
     繼  而  就  破  口  大  罵  。

有內地網民鬧爆港人係 
     「一幫不認親爹的敗家子兒」、
     「港狗」、
     「奴隸」，
      甚  至  話  要  派  出  軍  隊  。

有心水清嘅內地網民就質疑，
     中央電視向來都過濾資訊，
     但今次居然冇中斷直播，
     「央視還清清楚楚地直播給全國人民看了！」

.

.

最  後  港  隊  大  勝  不  丹  7 ： 0  ，
球賽進行期間，一度落起微雨，有球迷撐起雨傘睇波。

開波初段，亦有零星球迷撐傘表達心迹。

.

.

睇  睇  留  言  ：

梅亞紮的小草：
港狗真是噁心啊，不丹國歌是全場安靜，
中國國歌時全噓聲，看來還是天佑女王好聽啊，
當人不好嗎，非要當狗！

湯hanhanhanhan：
香港就儍X，就那點出息了，連國歌都噓！

不是很色的狼：
事實證明一國兩制不是長久之計，趕緊多派軍隊過去！

因紮吉--LNTS：
要這樣的香港有何用？如今香港的年輕人一心一意做英國走狗，這樣的香港有何用？

.

資料來源：新浪微博

.

李八方     pf_lee@appledaily.com