唔該俾翻一個和平安樂嘅香港!!!
睇完先至恍然大悟啊!唔好再攞西方果套嘢來話事喇,當我哋傻嘅咩,佔中運動搞咗咁耐,終於都算睇清楚佢嘅真面目喇。
佔中到今日,講起都火滾,究竟達成咗啲咩?係民主定係真普選啊?講就講到幾好聽,查實根本已經變質腐爛。唔好意思,我認真睇唔到有乜實質嘢囖。我親眼睇到嘅,就係嚴重嘅交通阻塞同埋經濟受損,普通市民嘅生計同正常生活受到好大影響,香港嘅聲譽同社會形象都一落千丈。個個開口埋口就話係為咗香港嘅未來好,為咗長遠嘅發展,佔中係代表咗香港人嘅心聲,係民意所致。睇真啲喇唔該,超過百分之六十嘅人都反對佔中,呢啲先至係民意,係我哋嘅真實心聲,唔好一直騎劫我哋,代表我哋,當我哋on鳩先得嘅!!!究竟幾時尊重過我哋普通市民嘅感受啊???佔中幾時先到頭啊???我哋幾時先可以過返正常嘅生活啊???乜鳩民主,根本就係各有所圖,香港俾你哋拖垮累死喇。
人哋佔領華爾街係因為經濟衰退,社會財富嚴重不均,我哋香港經濟一直好地地,依家好喇,搞埋佔中呢單嘢,經濟發展就真係倒退囖。西方夠民主夠自由喇,你哋睇下人哋警方係點對待果啲搞事嘅人嘅,拘捕咗幾多人,我哋佔中到依家又拉咗幾多人,帶頭搞事果啲依家都仲好地地冇事喺度,港府同警隊都真係算包容同忍耐囖。佔中已經失控,唔該你哋唔好再忍喇,係時候做嘢喇!!!快啲清場,俾翻我哋一個和平安樂嘅香港!!!
|