佔中呢場大戲真係越來越精彩喇
前晚,十幾個佔中示威者衝擊立法會,打爆玻璃同石牆,企圖攻入立法會,學埋臺灣太陽花運動,諗住癱瘓立法會工作。可惜呢單嘢一出,泛民就即刻開記者會撇清關係,話佢哋係暴徒,譴責暴力,堅決同佢哋劃清界線。學聯同學民都話唔理解佢哋點解會咁做,質疑其實質意義。
狗咬狗,佔中呢場大戲真係越來越精彩喇,都好嘅,咁樣大家先可以睇清呢班人嘅真面目,佔得越耐,大家就離真相越來越近喇。
查實衝擊立法會同佔中嘅實質上係相同嘅,都係為咗表達自己嘅政治訴求同埋對政府嘅不滿情緒,引起社會關注,民眾支持。但係點解會遭到差別對待呢?大家又有冇諗過?根本上係因為各自嘅政治利益唔同,個個都話係為咗香港嘅民主同未來發展可以犧牲一切,事實上係睇係咪有助於自己嘅政治利益,咁次呢單嘢就更加暴露出泛民、學聯同埋學民嘅自私。
呢次衝擊立法會唔單指冇助於佢哋贏到民心,相反依家佔中人士俾人貼上咗暴徒嘅標籤,好易引起市民嘅不滿,亦都違背咗佢哋當初講嘅非暴力、和平、理性嘅原則,俾政府口實可以借機打壓佢哋,你話,佢哋呢個時候唔快啲出來劃清界線,仲等幾時啊?
|