[按此打開]  



																	 












  

																											 
今日最勁嘅新聞當然係學聯三子周永康、常務秘書鍾耀華及常委羅冠聰回鄉證被註銷、尋日上京唔成，慘變機場「半日遊」。

 上唔到京呢個結果其實全世界一早都預左，但係整個過程同埋學聯今次嘅手段就有D令人唔明。

 多家媒體今日嘅報導話，前學聯成員曾樂謙尋日亦陪同三子準備上京，佢就先於三子自行到登機櫃位辦理手續，被告知回鄉證被註銷，登機證因此無效，隨即將事件告知三子。三子根本冇經任何途徑辦理登機手續，航空公司原定於登機櫃位截停四人，完全毋須驚動警方。

 但曾樂謙可能係有意提早「踩線」，事敗後再向三子「通水」，令三子決定不到登機櫃位辦理手續，故意在未有登機證下直接闖入機場禁區。

 東方日報今日仲話，有多次「呃人」紀錄嘅學聯今次再「講大話」，以前公開講唔會秘密派人上京，其實暗地安排咗數名成員，密謀乘坐同日另一班航機「闖關」，但由於行動早被有關當局識穿，加埋「A隊」四子被註銷回鄉證嘅先例在前，學聯「B隊」最後決定「縮沙」冇登機。唔出所料，上京事件最終似肥皂劇般收場，周永康一早都知學生鬥唔過政府，不如用呢D機場「半日遊」嘅方式上鏡頭、博出位，仲連D前學聯成員都要來「抽水」。

 佔領運動已經失去咗市民嘅支持，學聯、三子、泛民都唔知點撐落去，淨係搞呢D「行為藝術」嘅嘢呃人，人哋話佔中三子係「成唔到事」，我就認為學聯三子係「壞咗事」。

 早前有D佔領人士唔係話要佔領機場咪？不如你哋今日就去囖！仲有，無線尋日新聞檔案播出1999年學聯上京交請願信嘅新聞，我就唔知係咩意思，對學聯鼓勵、恥笑、警告定係挑釁？我惗只有學聯自己「心知肚明」啦！



[ 本帖最後由 candy5522 於 2014-11-16 09:39 PM 編輯 ]