| 送交者: linpingzhi[布衣] 于 2014-11-13 10:29 已读 167 次 | linpingzhi的个人频道 |
新聞話齋，民主黨立法會議員何俊仁尋日喺立法會再次回應臨時禁制令指，佔領者以公民抗命堅持唔守法律，唔等於唔遵守法治，法治嘅含義唔係簡單、冇條件、盲目咁遵守一切法律。尊重佔領人士嘅自由意志，唔會呼籲佢哋撤離，又將香港同納粹德國拉上關係，稱當年納粹德國都有好多唔公義嘅法律，唔使全都遵守，違反禁制令與違反《公安條例》冇分別。 睇完淨係可以話，冇文化，真係可怕。唔識法律就咪學人出來講嘢喇，誤導曬班街坊市民，你擔唔擔當得起啊？簡直就愧為法律界人士，一啲法律常識都冇嘅。違反禁制令同違反《公安條例》冇分別？？睬你都傻喇，違反禁制令等同於藐視法庭嘅，罪名仲大鑊過違反《公安條例》。好彩香港市民個個都好高素質，唔會咁易俾你呃，唔系嘅話等陣自己點死嘅都唔知囖。 法治係香港發展嘅根基，如果堅持唔守法律都唔等於唔遵守法治，咁試問點樣先算唔遵守法治啊，法律嘅設置仲有乜意義？公民抗命就可以違反法律，違背法治乜？咁成個香港一早就亂曬喇。 有少少法律常識嘅人都知，法律唔以主觀意志為轉移，公民抗命本身就係一部分人嘅主觀意志來嘅。用一部分人嘅主觀意志騎劫曬全部港人嘅意志，為咗一部分人嘅訴求同利益，佔領大家嘅公共空間，而影響到其他人正常生活嘅權利，唔通咁都啱？香港嘅法律已經淪為政治鬥爭嘅玩物？真係唔敢諗落去喇。。。
请点这里投票，“赞”助支持！