| 送交者: linpingzhi[布衣] 于 2014-11-12 9:25 已读 26 次 | linpingzhi的个人频道 |
回答: 肥佬黎話無打算自首 唔通香港法律已死？ 由 linpingzhi 于 2014-11-12 9:09
佔中佔咗咁耐，查實大家都已經好攰。天氣漸凍，依家佔領區嘅戰友一日比一日少，帳篷都少咗好多，睇落都有啲心酸，都唔知仲可以撐幾耐。高院又延長咗旺角同埋金鐘佔領區嘅禁制令，授權警方清場，林鄭月娥都放話佔中時日冇多，唔通我哋真係就咁輸咗乜。 我哋依家真係覺得好迷茫，唔知何去何從。當初罷課係為咗向政府表達我哋要民主，要真普選嘅政治訴求，點知又俾佔中三子騎劫啟動佔中。都好，反正大家目標一致，都係為咗香港，我哋都撐，但係撐到今時今日，我哋都開始質疑自己係咪做得啱，係咪應該撐落去，撐落去係咪有實際意義，等緊我哋嘅係乜。自己嘅學業受影響就唔使話喇，如果政府真係清場採取拘捕行動，我哋點算，係走定係留？ 當初口口聲聲呼籲我哋堅持撐落去嘅人，依家去曬邊，可唔可以話俾我哋知我哋應該點？關鍵時候，佔中三子，兩個返咗去學校教書，學聯同學民思潮冇聲冇氣，而且一路以來都俾人踢爆有內幕，有後著，都唔知依家仲可以信邊個。有冇人真正為我哋呢班學生諗過啊？
请点这里投票，“赞”助支持！