| 送交者: linpingzhi[布衣] 于 2014-11-11 9:38 已读 51 次 | linpingzhi的个人频道 |
回答: 阿娟外傳 佔中後記 第 3 篇(2014年11月10日）黃阿媽幫學民揸數 由 linpingzhi 于 2014-11-11 6:59
佔中四十幾日，班佔中人士日曬雨淋都死撐唔退，CY同建制派早就話有外國勢力介入，當時我同好多人都唔信，直至最近睇到一篇新聞。 東方日報最近報導話，自由國際與亞洲自由民主聯盟（CALD）成員8號傍晚由立法會議員單仲偕帶隊到佔鐘觀摩，聯盟成員來自英國、芬蘭、東歐及歐洲議會領袖，亦有菲律賓及泰國政黨領袖及議員，他們在港參加國際會議，七十名成員中約三十人到佔鐘區，有人與佔領者交談。相關舉動惹來外國勢力入侵佔領行動質疑，聯盟會長Juli Minoves解釋只是和平參觀，並非支持。 首先，呢個組織我估好多港人以前肯定未聽過，唔知點解會喺佔中嘅敏感時機到香港開會，我諗大家同我一樣都想知佢哋開會講啲乜，單仲偕就話，呢個會議係一年前決定，與佔領行動無關，單議員，唔通你唔記得佔中都係一年前發起嘅咩？單仲偕仲話會安排民主黨成員向參會人士講解佔領行動，唔通呢個叫做與佔領行動無關？真係笑死人。 有媒體就起底呢個CALD，話組織嘅大部分成員來自亞洲國家的反對黨或在野黨，如泰國民主黨、馬來西亞民政運動黨及新加坡民主黨等。CALD曾在2012對中國嘅主權問題說三道四，批評中國新版護照內含中國聲稱其在南海擁有主權管轄權之領土劃分的新地圖圖像，屬於挑釁行為。如果咁都唔算外國勢力，單議員你話俾我知咩叫做外國勢力？
请点这里投票，“赞”助支持！