| 送交者: linpingzhi[布衣] 于 2014-11-09 10:01 已读 126 次 | linpingzhi的个人频道 |
「我係老師，罷課關我事」。依家嘅世道真係好鬼亂，教書上課唔關老師事，反而罷課先關事，仲覺得好威水添。話緊邊個？咪就係科技大學社會科學部副教授成名，嶺南大學協理校長陳清僑同埋浸會大學社會學助理教授陳允中。佢哋將「流動民主教室」辦入社區，諗住通過洗腦來博取街坊市民對佔中嘅支持，而且仲得到公民黨嘅支持添。佔中到依家對市民生活造成嘅影響，相信班街坊市民自己都有眼睇，都識分辨是非。
為人師表，老師都咁樣，唔怪知得教出來班學生都咁激進喇，淨係識搞埋啲唔切實際嘅嘢，冇用嘅。係時候諗下應該點收手喇。務實啲，搵個臺階落。要求人大常委會收回831決定基本上係冇可能嘅，但係提名嘅門檻仲有得傾嘅，可以透過特區民情報告，向中央表達港人 對過半數出閘門檻唔能接受嘅民意，俾中央考慮。學聯計劃上京同領導人會面未嘗唔係一件好事，查實都有助建立雙方嘅討論機會，陳述彼此嘅意見同埋難處。
佔領運動正處於「雞肋」狀態，現時退場並非一無所得。
请点这里投票，“赞”助支持！