| 送交者: linpingzhi[布衣] 于 2014-11-09 9:57 已读 260 次 | linpingzhi的个人频道 |
9月22日，學聯組織未經諮詢會員而擅自發動大罷課。據傳媒報導最少6間學生會承認繞過選舉程序，而最少3間大學的學生會是未經民選嘅「臨時內閣」，居然自我授權發動全校罷課。結果，全港20萬大專生，就咁樣被十幾二十個所謂嘅學生會主席、秘書騎劫，懵成成之下「被代表」、「被罷課」。
跟住，呢啲學聯奸人開始騎劫佔中，據佔中義工阿娟爆料，學聯與佔中三子多次開會討論應唔應該撤離，實情係壓倒多數意見認爲：撤離，揾一切機會和藉口撤離。不過，最終企上臺向全港宣佈嘅，依然是「絕不撤離」，「長期佔領」，「以此為家」「一人一帳篷」（呢個係黃癡瘋講嘅）。如果每次會議都要投票嘅話，肯定結果係8比2，果個2就係周永康同岑敖暉。民主，係佔中群體入邊從來唔係少數服從多數，而係多數服從少數。激進死硬分子一定能用「行動」説服別人。
依家，學聯持續膨脹，騎劫咗佔中運動，甚至騎劫埋泛民，所以提出對抗嘅升級版本：第一要闖京，第二要延長佔領期，直至明年6月，逼泛民係立法會對政改投反對票，令公民黨、民主黨盡失中間選票。嘞樣拖下去，學聯班靚仔毫無損失，公民黨、民主黨就要「大出血」。面对泛民政黨嘅压力，學聯認為只要打最激進嘅牌，政黨就會屈服。
學聯嘅態度狂妄霸道，毫無邏輯。依家參與佔領嘅只有寥寥幾百人，呢幾百人也非全都認同學聯係領導者，有人公開话「學聯不能代表我們」，而周永康就够胆讲「我哋代表香港人」。
學聯已經目空一切，必將走向毀滅！
请点这里投票，“赞”助支持！