學棍繼續上演佔中show 大種美分黨陸續蒲頭
從928到今時今日,路霸大神似乎仲未盡興,班學界大神啪尽民主春藥日日扯嗮旗,准備多幾味民主毒藥開多臺show。
先喺我哋嘅学民大神Joshua果日係金鐘台上表演「一人一帳篷!」之後學聯揸fit人又話要將佔領運動撐到明年64,家下成教授呢班先生鬥又放風話將流動民主課堂開入社區,真係估唔到香港學界有咁多風華正茂浩氣長存之友!
流動民煮課堂係咩嘢?即係落區動員大家支持佔中啰,班學生落區驚俾人打,唯有出動成名、陳允中呢類美分教授落區講耶穌,點講都係斯文人,照計唔會俾人小卦。
成生、陳生,假若你哋抱住菁英階層嘅熱誠選擇企出來冇人攔,我亦都知道先生你哋好錫出邊班學生,教佢哋點應對傳媒啦、法律援助啦、仲提供埋酒店俾佢哋住啦,喺咪?但喺我希望幾位先生多D走出來,多D來到你哋要來宣講嘅社區,睇下班街坊有幾支持上層人士闖入來夾硬塞俾佢哋民主,請你哋聽下民意對凈係識大石壓死蟹自己人都可以用完就掉嘅街頭民主新權威有幾反感啦,唔該你哋啦!我哋市民要揾食噶!唔似幾位衣食無憂嘅先生嗌幾句民主就有錢袋,中意喺學堂教書又得中意出街教書又得,開條生路俾我哋啦唔該!請你哋救下仲喺街頭果班踩盡界嘅學生啦!教下佢哋唔喺年青就可以去到盡!勸下佢哋勿再踐踏法治民主!拯救下我哋下一代啦唔該!
不過,收得人錢,仲係好大種果啲美分黨,想佢哋收皮都好難,皆因政府唔做嘢,除非23條立法啦。
|